Një ngjarje e rëndë ka ndodhur këtë të diel në fshatin Dobraç në Shkodër, ku një 76-vjeçar është gjetur pa shenja jete në banesën e tij.
Sipas njoftimit të policisë, bëhet fjalë për shtetasin S. S., i cili dyshohet se është vetëdjegur duke përdorur lëndë djegëse, benzinë. Si pasojë e djegieve të marra, i moshuari ka humbur jetën.
Trupi i pajetë është transportuar në morgun e Spitalit Rajonal të Shkodrës, ku do t’i nënshtrohet ekzaminimeve të mëtejshme.
Njoftimi i Policisë:
Në Shkodër, në fshatin Dobraç, është gjetur pa shenja jete në banesën e tij shtetasi S. S., 76 vjeç.
Nga veprimet e para hetimore dyshohet se ky shtetas është vetëdjegur, duke përdorur lëndë djegëse (benzinë), dhe, si pasojë e djegieve të marra, ka humbur jetën.
Trupi i pajetë është dërguar në morgun e Spitalit Rajonal Shkodër për ekzaminime të mëtejshme.
