Gazetari Artan Hoxha komentoi sot shkrese tepër urgjent drejtuar komisariateve të Tiranës dhe Krujës, lidhur me të rinjtë protestues të shoqëruar prej forcave policore.
I ftuar në një studio televizive Hoxha tha se urdhri i sotëm për kujdesin ndaj të miturve është thjesht formal, pasi tanimë janë regjistruar raste të konsiderueshme dhune policore.
Hoxha foli me kritika për këtë shkresë, që sipas tij, jo vetëm që është hartuar me vonesë, por edhe është përdorur nga kryeministri Edi Rama.
“Janë policët e shtetit. Kanë bërë betimin para flamurit. Nuk janë policët e Edi Ramës. Vendimi sot është sa për të larë gojën. Mbasi i ke mbytur në dajak, i ke shqepur, ke përdorur mesazhet e tyre. Kanë hapur telefonat pa vendim gjykate dhe jo vetëm që nuk kanë qenë në prani të avokatit dhe konsulentit ose prindit, por i ka përdorur vetë kryeministri.
Me këtë vendim sot po na tregon që jo se nuk e ndjen frikën, por nuk e shpëtojnë dot, është vonë”,tha Hoxha.
