Kanë nisur tensionet e para jashtë Parlamentit. Në informacionet e siguruara nga gazetarja e Top Channel Dorjana Bezat, pas përplasjes me efektivët dhe mosbindjes ndaj tyre, Policia ka shoqëruar dy protestues. Ata kanë shkelur perimetrin e sigruisë duke tentuar t’i afrohen hyrjeve të Parlamentit, aty ku ka nisur seanca plenare.
Teksa pritet të nisë seanca plenare e sezonit të ri, disa prej deputetëve mësohet se kanë shmangur rrugët kryesore për të hyrë në Parlament. Ndër ta ka qenë deputetja socialiste Iris Luarasi, të cilës qytetarët i \\\”kanë zënë pritë\\\” në një qendër tregtare në Tiranë ku ajo është parë duke kaluar në drejtim të Kuvendit.
“Hajdute! Mos fol në emër të grave! Ti nuk je mbrojtësja e grave! Ti nuk i përfaqëson gratë! Po, ti! Po ti përfaqësoje nuk do të bashkoheshe me qeverinë e krimit! S’kemi turp fare, turp të keni ju! Hajdute!”, i drejtohet aktivistja Arvina Lleshi deputetes Luarasi. Kjo e fundit shikohet duke e ironizuar ndërsa i përgjigjet: Sa turp!
Aktivistja nuk ndalet dhe vijon debatin duke i thënë se qytetarë nuk kanë turp fare. “Nuk kemi trup fare. Turp të keni ju. Ikni tani futuni atje! Hajduta” shton më tej aktivistja Arvina Lleshi.
Kuvendi i Shqipërisë ka nisur zyrtarisht sesionin e ri parlamentar, me rikthimin në punë të 140 deputetëve, të cilët përgatiten për një legjislaturë të ngarkuar me projektligje e marrëveshje që presin të diskutohen, votohen e miratohen.
Kryetari Niko Peleshi ka mbajtur fjalën përshëndetëse dhe u ka uruar punë të mbarë kolegëve, teksa është shprehur se kjo legjislaturë do t\\\’i paraprijë punimeve për reformën administrative-territoriale dhe anëtarësimit të Shqipërisë në Bashkimin Europian.
Por ndërkohë që brenda në sallën e Kuvendit deputetët kanë nisur sesionin e ri, jashtë Policia e Shtetit e ka futur sheshin kryesor dhe rrugën në shtetrrethim, për shkak se aty janë grumbulluar qindra qytetarë.
Jashtë sallës ku zhvillohet seanca, protestuesit kanë vijuar me thirrjet kundër qeverisë; “Ju erdhi fundi”, e cila është një prej frazave më të dëgjuara gjatë tubimit 101 ditor.
Kur kanë kaluar rreth 30 minuta nga nisja e protestës, kanë nisur shoqërimet e para nga Policia e Shtetit. Disa protestues kanë tentuar të kalojnë rrethimin metalik dhe janë shoqëruar nga Forcat Shqiponja, të cilat janë në gatishmëri në këtë tubim.