Një zjarr ka shkaktuar alarm pasditen e sotme në një nga zonat qendrore të Tiranës.
Flakët janë shfaqur pranë Xhamisë së Namazgjasë, ku dyshohet se është përfshirë një pjesë e një parkimi nëntokësor.
Sipas të dhënave paraprake, zjarri ka rënë në ambientet e parkimit pranë zonës, ndërsa për momentin nuk ka informacion për persona të lënduar apo dëme të tjera.
Forcat zjarrfikëse kanë mbërritur në vendngjarje dhe po punojnë për vënien nën kontroll të flakëve, ndërsa po kryhen verifikime për përmasat e zjarrit.
Shkaqet e rënies së zjarrit mbeten ende të paqarta dhe pritet të zbardhen pas ndërhyrjes së plotë të shërbimeve emergjente.
