Deputetja australiane Helen Haines ka humbur të dyja këmbët pasi u përplas nga një makinë jashtë zyrës së saj politike në qytetin Wangaratta, në Australi, ndërsa autoritetet policore po e trajtojnë ngjarjen si një sulm të qëllimshëm.
Lajmin e konfirmoi bashkëshorti i saj, Phil Haines, i cili theksoi se, pavarësisht plagëve të rënda, deputetja mbetet e fortë dhe e vendosur për t’u rikuperuar.
Autori i dyshuar i sulmit, 43-vjeçari Brendan Nugent, u arrestua pak momente pasi dyshohet se drejtoi makinën e tij Toyota LandCruiser drejt deputetes së pavarur jashtë zyrës së saj elektorale në qytetin rajonal të Ëangaratta, rreth 240 km në verilindje të Melburnit.
Më herët të mërkurën, Nugent u paraqit në gjykatën lokale për t’u përballur me tre akuza: drejtim i rrezikshëm i automjetit që shkakton lëndime të rënda, shkaktim i qëllimshëm i lëndimeve të rënda dhe shkaktim i dëmtimit të një zyrtari publik të Komonuelthit. Policia tha se mund të ngrihen akuza të tjera, përfshirë tentativë vrasjeje.
Nugent, banor nga qyteti i afërt i Tarraëingee dhe i njohur si aktivist mjedisor, nuk dha asnjë deklaratë para gjykatës. Ai nuk kërkoi lirim me kusht dhe pritet të kthehet në gjykatë në shkurt. Dokumentet e gjykatës tregojnë se ai u akuzua gjithashtu për kultivim dhe posedim kanabisi.
Nugent nuk ishte në vëzhgimin e policisë dhe nuk kishte asnjë informacion për ndonjë kërcënim për Haines para incidentit, tha policia. Hetuesit po hetojnë gjithashtu nëse përdorimi i drogës ose ilaçeve ka luajtur rol në incident dhe nëse ka pasur ndonjë lidhje personale midis Nugent dhe Haines.
