Një aksident i rëndë është regjistruar ditën e sotme në zonën e Don Boskos në Tiranë, prej ku mësohet se një automjet është përplasur me një motor, duke shkaktuar një viktimë.
Drejtuesi i motorit, i identifikuar si Prend Ndreu, 64-vjeç ka mbetur fillimisht i plagosur dhe është transportuar te Spitali i Traumës, në gjendje të rëndë shëndetësore. Por fatkeqësisht ai nuk u ka mbijetuar dot plagëve dhe ka ndërruar jetë.
Siç shihet edhe në foton e mësipërme, motori ka përfunduar në anë të rrugës, dhe pak më larg ndodhet edhe helmeta e cila ka qenë vendosur nga drejtuesi i mototmjetit. Policia ndodhet në vendin e ngjarjes dhe po punon për zbardhjen e rrethanave të aksidentit.
Njoftimi i Policisë:
Tiranë/Informacion paraprak-Më datë 22.09.2026, rreth orës 14:50, në Don Bosko, automjeti me drejtues shtetasin F. F., rreth 42 vjeç, është përplasur me motomjetin me drejtues shtetasin P. N., rreth 64 vjeç.
Si pasojë e përplasjes, drejtuesi i motomjetit ka humbur jetën. Ndërkohë, drejtuesi i automjetit është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit.