Aktori i njohur i humorit Sejfulla Myftari, i njohur si “Cekja i Beratit” 86-vjeç, është përfshirë në një aksident rrugor në aksin Gjirokastër-Tepelenë. Ngjarja ka ndodhur në kthesën e fshatit Hormovë, ku automjeti që ai drejtonte, një Mercedes Benz, është përplasur me një automjet tip Ford.
Në automjetin tjetër udhëtonte Baba Sheh Hormova 85-vjeç, kleriku i njohur, ndërsa fatmirësisht nga përplasja nuk ka pasur persona të lënduar. Të dy drejtuesit kanë dalë pa dëmtime nga aksidenti, ndërsa mjetet kanë pësuar dëmtime materiale.
Policia Rrugore e Gjirokastrës ka mbërritur në vendngjarje dhe ka nisur verifikimet për të zbardhur shkaqet dhe rrethanat e aksidentit. Hetimet do të përcaktojnë edhe përgjegjësinë për përplasjen.
