Gjendet një trup i dekompozuar në zonën malore mes Tiranës dhe Elbasanit, dyshohet te jete i Eglant Koçit i zhdukur prej 4 qershorit.
Verifikimet e mëtejshme do të tregojnë nëse bëhet fjalë për 34-vjeçarin i cili dyshohet se u ekzekutua nga Armand Shaka pasi e rrëmbeu.
Njoftimi i Policisë:
Policia e Tiranës njoftoi zyrtarisht pak më parë se në territorin e fshatit Cerrujë, lagjia Domush, është gjetur në proces dekompozimi, një trup njeriu i seksit mashkull.
Shërbimet e Policisë dhe grupi hetimor, në drejtimin e Prokurorisë, vijojnë hetimet dhe verifikimet me qëllim identifikimin e shtetasit, si dhe zbardhjen e rrethanave të tjera të rastit.
Policia thotë se nuk është në gjendje të konfirmojë ende nëse trupi i gjetur i përket shtetasit Eglant Koçi që u shpall i zhdukur më 4 qershor. /noa.al