Pas një nate të mbushur me tensione, izolimit në tualet dhe një ballafaqimi të ashpër ku u vendosën kufij të prerë në raportin e tyre, situata mes Mateos dhe Brikenës duket se ka marrë një kthesë të papritur dhe më të butë.
Ndërkohë që Mateo i kishte komunikuar vendimin e tij se nuk do të bënte më asnjë hap drejt saj, ai është parë i shtrirë dhe dukshëm i mërzitur e i rënduar nga ngjarjet e fundit.
Pikërisht në këtë moment, Brikena ka zgjedhur të thyejë akullin e ftohtësisë mes tyre.
Përmes një gjesti të ëmbël, ajo i është afruar teksa ai qëndronte i shtrirë dhe i ka vendosur sipër arushin e madh të pellushit. Për të shkrirë tensionin, Brikena dëgjohet ta pyesë me një ton të butë: “A e do një përqafim nga Boli? A je më mirë?”
Ky veprim i papritur tregon se, pavarësisht se Brikena kërkoi me ngulm respektimin e fjalës dhe hapësirës së saj, ajo nuk dëshiron ta shohë Mateon në këtë gjendje të rënduar emocionale.