Një shpërthim me lëndë plasëse ka ndodhur rreth orës 00:05 pas mesnate në Ishull-Lezhë, ku është dëmtuar çatia prej llamarine e një ndërtese.
Sipas njoftimit të policisë, shtetasi B. Sh., 65 vjeç, banues në Ishull-Lezhë, ka njoftuar blutë se çatia e një ndërtese që e përdorte për ruajtjen e materialeve shtëpiake ishte dëmtuar, si pasojë e shpërthimit të lëndës plasëse.
Deri më tani, rrethanat dhe shkaqet e ngjarjes mbeten të paqarta. Në vendngjarje ndodhen shërbimet e policisë dhe grupi hetimor, të cilët po punojnë për dokumentimin dhe zbardhjen e plotë të ngjarjes.
Njoftimi i Policisë:
Lezhë/Informacion paraprak
Rreth orës 00:05, shtetasi B. Sh., 65 vjeç, banues në Ishull-Lezhë, ka njoftuar se ishte dëmtuar dyshohet me lëndë plasëse çatia prej llamarine e një ndërtese që ai e përdorte për mbajtjen e materialeve shtëpiake.
Grupi hetimor vijon veprimet për sqarimin e plotë të rrethanave të ngjarjes, si dhe për identifikimin dhe kapjen e autorit/autorëve.
