Katër persona janë përplasur me njëri-tjetrin ditën e sotme në Prizren, ku të dyshuarit raportohet të kenë pasur armë zjarri e thikë.
Sipas raportimit të mediave në Kosovë, mësohet se ka mbetur i plagosur me thikë një oficer policie i cili ka qenë në vendin e ngjarjes dhe ka ndërhyrë menjëherë për të vënë situatën nën kontroll. Gjatë sherrit, njëri nga të dyshuarit kishte në posedim një armë zjarri, ndërsa një tjetër një mjet të mprehtë (thikë).
Teksa është përpjekur të qetësojë situatën, hetuesi është lënduar nga thika, por megjithëatë ka mundur të neutralizojë situatën.
Më tej janë sekuestruar nga vendi i ngjarjes arma e zjarrit dhe thika, si edhe me arritjen e njësive policore janë vënë në pranga katër të përfshirët.