Pas ditëve me temperatura tepër të larta, duket se moti ka bërë një ndryshim drastik në vendin tonë. Raportohet se pasditen e kësaj të premteje jugu i vendit është përfshirë nga një stuhi e fuqishme me shi.
Mësohet se si pasojë e kushteve të moti, tre vajza kanë rrezikuar jetën e tyre pasi ndodheshin në det, në zonën e Palasës.
Pasi vështirësive të motit dhe kushteve të vështira në det, vajzat kanë kërkuar ndihmë, tre vajzat kanë kërkuar ndihmë tek policia, e cila më pas ka ndërhyrë dhe i ka dalë në breg të detit.
Ndërsa më pas ato janë transportuar për në spital, ku i është dhënë ndihmë mjekësore. Mësohet se vajzat janë në gjendje të mirë shëndetësore.
Kujtojmë që moti i keq, preku këtë të premte dhe jugun e vendit, ku në Sarandë dhe Delvinë, reshjet e shiut janë shoqëruar edhe me breshër dhe shkarkesa elektrike.