Duket se pjesëmarrësit e protestës që pritet të zhvillohet sot para godinës së Kuvendit, kanë ndryshuar strategji. Përveç vezëve, ata janë “armatosur” edhe me domate e speca, të cilat do i përdorin për t’i hedhur drejt deputetëve dhe ministrave. Po ashtu, ata janë shpërndarë në disa zona rreth godinës së Parlamentit, nga ku pritet që ligjvënësit të hyjnë për të marrë pjesë në seancën e fundit, para se të marrin pushimet verore.
Kujtojmë se protestat e mëparshme para Kuvendit janë shoqëruar me incidente të dhunshme dhe përplasje mes qytetarëve pjesëmarrës dhe policisë të angazhuar për ruajtjen e rrendit dhe sigurisë. Një pamje komplet ndryshe paraqitet në protestat e pasdites, që tashmë kanë arritur në ditën e 58 radhazi, e ku qytetarët janë paqësorë.
Video Player