Grida Duma ka qenë në qendër të vëmendjes gjatë gjithë ditës së sotme, pas lajmeve që qarkulluan në mediat online për një problem të mundshëm shëndetësor, pak para nisjes së emisionit “Top Story” mbrëmjen e djeshme.
Sipas raportimeve, moderatorja nuk kishte qenë në gjendje të dilte në transmetim në orën 21:00, ndaj stafi kishte vendosur të transmetonte një emision të regjistruar më parë. Megjithatë, këto pretendime nuk janë konfirmuar zyrtarisht.
Por mbrëmjen e sotme, ajo është shfaqur sërish në ekran, duke i dhënë fund shqetësimit të krijuar për gjendjen e saj shëndetësore. Teksa po fliste për përzgjedhjen e të rinjve që marrin pjesë në panelin e emisionit, moderatorja bëri një koment të shkurtër që nuk kaloi pa u vënë re.
“Këtu i shoh të gjithë mirë, unë jam mirë”, u shpreh Duma. Edhe pse nuk iu referua drejtpërdrejt lajmeve të një dite më parë, deklarata e saj mund të lexohet si një përgjigje ndaj zërave që qarkulluan për shëndetin e vet.
