Bashkëshorti i ish-ministres Elisa Spiropali, Salarjon Totaj, është marrë nën hetim në gjendje të lirë nga Policia e Tiranës, për veprën penale të kanosjes për shkak të detyrës. Ai dyshohet se përmes celularit ka kërcënuar një drejtoreshë sektori në Drejtorinë e Përgjithshme të Tatimeve.
Ka qenë vet drejtoresha e cila e ka kallëzuar, pasi sipas saj ajo është kanosur nga Totaj, raporton Infonews.al
Incidenti është regjistruar pas një kontrolli që Tatimet kanë kryer në një biznes të një familjari të Totajt, ky i fundit dyshohet se ka kanosur drejtoreshën përmes mesazheve në celular. Teksa burime për mediat kanë bërë me dije se dyshohet se ai ndër të tjera i ka shkruar drejtoreshës së “nuk do t’ia harronte deri sa të vdiste” dhe se “do ta vriste”, megjithëatë nuk ka ende një deklaratë zyrtare në mbështetje të kësaj.
Totaj u thirr këtë të martë për t’u marrë në pyetje nga strukturat e DVP Tiranë, ndërsa veprimet proceduriale po kryehn nën drejtimin e Prokurorisë.
Ende nuk është bërë një reagim në lidhje me ngjarjes, qoftë nga Salarjon Totaj apo Elisa Spiropali.
