Protesta studentore e cila ka mbërthyer Tiranën, hyn sot në ditën e saj të 22-të, ndërkohë që kryeministri Edi Rama prej dy javësh del me ftesa për dialog me të rinjtë, edhe pse këta të fundit, deri më sot e kanë refuzuar.
Edhe mëngjesin e kësaj të marte, para Kryeministrisë, mbi sofrën e ngurtë janë vendosur gjahstë ftesa për dialog, që u adresohen protestuesve. Këta të fundit prej dy javësh kanë refuzuar mundësinë për të dialoguar me Ramën, pasi janë parë duke grisur ftesat, e njëzëri kanë kërkuar dorëheqjen e tij.
Pritet për t’u parë se cili do të jetë veprimi i radhës i studentëve ndaj thirrjes së Ramës, ndonëse pritshmëritë për të refuzuar sërish dialogun janë më të larta se për t’u dakordësuar.
Ndërkaq, studentët kanë njoftuar masivisht për protestën e sotme e cila do të startojë në orën 10:00 të mëngjesit të sotëm, ku ata së bashku me pedagogët do të grumbullohen sërish në oborrin e Universitetit të Politeknikut të Tiranës.
