Ka përfunduar ndërtimi i Lotit 2 të rrugës Papër–Ura e Grykshit në Elbasan, një segment 1.8 kilometra i gjatë, pjesë e Korridorit VIII.
Kryeministri Edi Rama ka publikuar pamje nga rruga e përfunduar, ku përfshihet edhe një urë 330 metra e gjatë.
“Përfundon edhe Loti 2 i rrugës Papër–Ura e Grykshit, Elbasan, ku përfshihet edhe një urë 330 metra e gjatë”, shkruan Rama teksa publikon videon.
Sipas kryeministrit, ky investim synon të rrisë sigurinë rrugore dhe të lehtësojë lidhjen mes zonave. Rruga është pjesë e Korridorit VIII, ndërsa projekti do ti jape fund trafikut të rënduar në Elbasan, shkurtimin e kohës së udhëtimit dhe përmirësimin e sigurisë për drejtuesit e mjeteve.
