Kreu i Partisë Demokratike, Sali Berisha, akuzoi policinë se e nisi dhunën gjatë protestës pranë Kryeministrisë dhe Ministrisë së Arsimit, duke i cilësuar protestuesit studentë si të guximshëm.
Në deklaratën e tij, ai ka paralajmëruar publikimin e fotove dhe emrave të personave që i quajti “mercenarë” dhe “provokatorë”.
“Partia Demokratike ishte tek Kryeministria, Partia Demokratike ishte tek Ministria e Arsimit. Dhunën e filloi policia. Edhe te Ministria e Arsimit, e filloi policia. Nuk është e vërtetë që e filloi protesta.
Policia filloi dhunën, futi provokatorët, a e patë lokalin? Ia kishin thyer, shkojnë ia shkatërrojnë lokalin për t’i akuzuar studentët. Dhe natyrisht reagimi ndaj asaj dhunës është legjitim.
Pastaj një gjë do ta themi këtu, se tani unë e kam një eksperiencë. Guximtarë dhe trima, si këta studentë, gjer sot Shqipëria nuk ka parë.
siç e meritonin. Këta provokues numër një i dhunës është… mos i kurseni! E keni parasysh.
Po unë i garantoj ata se tani do publikojmë fotot dhe emrat e tyre një për një. Listën e zezë të tyre.
Pse? Studentët po protestonin. Populli i Tiranës dhe i Shqipërisë ishte me studentët. Ata tani, provë force. Por provën e forcës me sovranin e kanë humbur gjithmonë diktatorët, nuk e fitojnë.
I tha, je treguar dorëbutë, i tha padroni, je treguar dorëlehtë, i tha. Po tani çfarë do t’i thotë? Tani do t’i thotë mbathja”, tha Berisha.
