Drejtoria Vendore e Policisë Tiranë ka ftuar për t’u paraqitur dhe dhënë dëshmi kompozitorin Adrian Hila, pas publikimit dhe shpërndarjes në rrjetet sociale të disa videove me përmbajtje intime.
Në kuadër të hetimeve, efektivë të Policisë kanë shkuar edhe në banesën e kompozitorit për ta kontaktuar, por nuk e kanë gjetur aty.
Sipas gazetares së Top News, Kleida Muka, Policia ka arritur ta kontaktojë Hilën në telefon.
Nga deklarata e tij e pare per skandalin e madh mësohet se është shprehur se është i shokuar nga ngjarja dhe se do të paraqitet në polici sapo të mbërrijë në Tiranë.
Marrja në pyetje e kompozitorit lidhet me materialet intime që qarkulluan gjatë ditës së djeshme në rrjetet sociale.
Ndërkohë, një ditë më parë, strukturat e Krimit Kibernetik nisën verifikimet për përmbajtjen dhe burimin e materialeve të shpërndara online.
Policia po vijon veprimet për të dokumentuar rrethanat e publikimit dhe shpërndarjes së videove në rrjet.