Situata është tensionuar ndjeshëm pranë Komisariatit të Policisë Nr.3 në Tiranë, ku një grup i madh protestuesish janë grumbulluar për të kërkuar lirimin e personave të ndaluar pak më parë në protestë,
Sipas informacioneve nga terreni, mbi disa persona të tjerë janë marrë nga turma dhe janë futur me forcë brenda ambienteve të komisariatit. Ky veprim ka ndezur reagimin e protestuesve të tjerë, të cilët kanë vijuar qëndresën përpara godinës.
Përplasja mes efektivëve të policisë dhe protestuesve ka qenë e pashmangshme. Forca të shumta policie janë pozicionuar para hyrjes së komisariatit në Rrugën “Mine Peza”, ndërsa protestuesit brohorasin thirrjet “Lironi çunat” dhe “Polici e krimit”.
Burime nga terreni bëjnë me dije se mbi pesë persona të tjerë janë marrë nga turma e protestuesve dhe janë futur me forcë brenda ambienteve të komisariatit. Ky veprim ka sjellë revoltën e menjëhershme të qytetarëve të cilët kanë rrethuar komisariatin dhe vijojnë qëndresën përpara tij.
Kulmi i tensionit u shënua kur një i mitur, i pranishëm në protestë, ka shpërthyer në të qara, i frikësuar nga shtyrjet, ulërimat dhe përplasja mes policisë dhe protestuesve.
Nëna e tij, në gjendje të rënduar emocionale, i është drejtuar me ton revoltuese efektivëve të policisë që ndodheshin në kordon.
“Ju duhet t’i mbroni qytetarët, jo t’i frikësoni! Shihni çfarë po i bëni fëmijëve!” – ka bërtitur ajo përballë policëve, ndërsa përpiqej të qetësonte të miturin.
Policia ka blinduar zonën dhe situata paraqitet ende e tensionuar.