Policia “zbarkon” në Korçë me aksione blic ne mbare qytetin, duke i prishur disi qetesine e ketyre diteve te pushimit. Blute po zhvillojne një operacion të gjerë antidrogë në juglindje të vendit, me fokus goditjen e personave të dyshuar për përfshirje në shpërndarjen dhe shitjen e lëndëve narkotike.
Sipas informacioneve paraprake, gjatë operacionit është arrestuar një person. Gjatë kontrolleve të ushtruara në automjetin dhe banesën e të arrestuarit, shërbimet e policisë kanë gjetur dhe sekuestruar lëndë narkotike të llojit kokainë, një shumë parash, armë të ftohta, si dhe fishekë.
Deri më tani, Policia e Shtetit nuk ka dhënë një njoftim zyrtar në lidhje me personin e arrestuar apo detajet e operacionit. Pritet që autoritetet të dalin me një njoftim zyrtar për të bërë të ditur më shumë detaje.
Mësohet se aksioni policor është ende në zhvillim, ndërsa kontrollet po vijojnë edhe në banesa të tjera, për kapjen e personave të tjerë të përfshirë në këtë veprimtari kriminale.