Një ngjarje e rëndë është regjistruar në Porto Palermo të Vlorës, ku shpërthimi i motorit të një skafi ka lënë të plagosur disa persona.
Sipas informacioneve paraprake, katër persona kanë pësuar djegie të rënda në pjesë të ndryshme të trupit, ndërsa disa të tjerë kanë marrë dëmtime më të lehta.
Të plagosurit në gjendje më të rëndë janë transportuar me urgjencë drejt Tiranës, ku do të marrin trajtim më të specializuar mjekësor.
Paraprakisht dyshohet se shpërthimi mund të jetë shkaktuar nga benzina që ndodhej në skaf, ndërsa rrethanat e sakta të incidentit mbeten ende për t’u përcaktuar.
Në vendngjarje kanë mbërritur shërbimet përkatëse, ndërsa po punohet për zbardhjen e plotë të shkaqeve dhe dinamikës së shpërthimit.