Një tërmet me magnitudë 7.4 ballë u regjistrua këtë të të hënën në Kolumbinë perëndimore, sipas Shërbimit Gjeologjik të SHBA-së (USGS), ku lëkundjet u ndjenë në të gjithë vendin amerikano-latin.
Epiqendra e tërmetit ishte në San José del Palmar, në departamentin e Chocó, rreth 280 kilometra në perëndim të kryeqytetit, Bogota, në një thellësi prej 107 kilometrash në orën 7:34 të mëngjesit (ora lokale, 8:34 e mëngjesit sipas kohës së Miamit), raportoi USGS.
Mediat e huaja shkruajnë se guvernatori i zonës veriperëndimore të Kolumbisë, Chocó, Nubia Carolina Córdoba Curi, konfirmoi se në kryeqytetin rajonal, Quibdó, “ka të plagosur dhe dëme të rënda në ndërtesa” dhe shprehu shqetësim për lëkundje të mundshme pasuese.
Në kryeqytetin e vendit, dridhjet u ndjenë fuqishëm, u dhanë alarmet dhe në shumë ndërtesa njerëzit u evakuuan në rrugë si masë paraprake.
“Për momentin nuk ka raportime për lëndime ose dëme strukturore, vetëm disa çarje në ndërtesa”, tha kryetari i bashkisë së Bogotës, Carlos Galán, në emisionin X.
Pamjet e Reuters u shfaqën nga lagje të shumta në Kolumbi, të cilat tregonin grumbuj pluhuri që qarkullonin nëpër rrugë, ndërsa banorët vraponin për t’u fshehur dhe fasadat e rrënuara binin mbi trotuar.