Një person raportohet se ka humbur jetën pak minuta më parë, në Laç, si pasojë e të shtënave me armë zjarri. Shërbimet e Policisë së Shtetit dhe ato të urgjencës mjekësore kanë shkuar menjëherë në vendngjarje.
Paraprakisht, bëhet me dije se viktimë ka mbetur shtetasi Ilir Lika, rreth 40 vjeç, por rrethanat e ngjarjes nuk dihen ende.
Shërbimet e Policisë së Shtetit kanë mbërritur menjëherë në vendngjarje, sapo në sallën operative është raportuar për të shtëna me armë, dhe kanë rrethuar zonën. Gjithashtu, është urdhëruar ngritja e postblloqeve.
Ngjarja dyshohet se ka të bëjë me ngjarje të vjetra kriminale ku shtetasi Ilir Lika është përfshirë më parë, ndër to vrasje, plagosje dhe tentativa për vrasje.
40 vjeçari i ekzekutuar mbrëmjen e kësaj të enjte, ka një prej personave të dyshuar si të përfshirë në atentatin e 30 majit 2020 në Laç, ku mbetën të vdekur brenda në hotel dy biznesmenët Paulin Gjergji dhe Bujar Lika.
Familjarët e Ilir Xhepajt (Lika), kanë pretenduar më parë se djali i tyre nuk është i përfshirë në atentatin ku mbetën të vdekur biznesmenët Bujar Lika dhe Paulin Gjergji.