Një lajm i trishtë ka ardhur këtë të enjte nga bota e medias ku gazetari italian, Stefano Marcelli, i cili ka dhënë një kontribut të madh në gazetarinë shqiptare, është ndarë nga jeta në moshën 71-vjeçare.
Lajmin për ndarjen nga jeta të Marcellit, gazetar, ish-korrespondent special dhe kryeredaktor i zyrës së RAI-t në Toskanë, e ka dhënë Sandro Bennucci, president i Shoqatës së Shtypit Toskan.
Në lidhje me ndarjen nga jeta të Marcellit, ka reaguar edhe Unioni i Gazetarëve në Shqipëri, të cilët shkruajnë se gazetari ishte një koleg dhe mik me shumë gazetarë shqiptarë, një profesionist që ndau përvojë me redaksitë më të shquara italiane dhe që spikati edhe për shkrimet e publikuara ekskluzivisht për media shqiptare.
Marcelli është bashkëshorti i gazetares së njohur shqiptare Gerta Zaimi! Në reagimin e tij, UGSH i shpreh ngushëllimet familjarëve dhe në veçanti gazetares Zaimi.
Postimi i plotë:
Ndahet nga jeta gazetari italian që e mbylli kohën e shkrimeve në median shqiptare
Tiranë më
Lamtumirë kolegu dhe miku ynë Stefano Marcelli!
Një koleg dhe mik me shumë gazetarë shqiptarë, një profesionist që ndau përvojë me redaksitë më të shquara italiane dhe që spikati edhe për shkrimet e publikuara ekskluzivisht për media shqiptare dhe për realitetin politik dhe jo vetëm, në Shqipëri.
Unioni i Gazetarëve Shqiptarë ndan dhimbjen për këtë humbje dhe u përcjell ngushëllime familjarëve të tij, veçanërisht zonjës së tij, koleges sonë Gerta Zaimi!
Zyra Informuese
Unioni i Gazetarëve Shqiptarë
