Një ngjarje e rëndë ka tronditur qytetin e Dortmundit në Gjermani, ku një mjek i njohur është gjetur pa shenja jete në banesën e tij, ndërsa autoritetet dyshojnë se autor i krimit është djali i tij 41-vjeçar.
Sipas raportimeve të mediave gjermane, viktima është Harald N., pediatër i njohur dhe i respektuar në Dortmund, i cili për shumë vite kishte punuar në shërbim të fëmijëve dhe familjeve të tyre.
Rasti mori një kthesë dramatike pasi djali i viktimës u paraqit vetë në një stacion policor dhe, sipas raportimeve, deklaroi se kishte vrarë të atin. Pas këtij rrëfimi, njësitet policore shkuan në banesën e mjekut, ku gjetën trupin e pajetë.