Një emigrant i ardhur nga Italia, tha se iu bashkua protestës së diasporës në ditën e 63-të për t’i dhënë mesazh kryeministrit Edi Rama.
Ai deklaroi se do ia mësonte kreut të qeverisë si tropojan jo vetëm çiftelinë, por do i vinte edhe qeleshen, duke nënkuptuar largimin nga pushteti.
“Kam ardhur nga Italia me avion posaçërisht për protestën. Kam një mesazh për Edi Ramën. I them se unë bashkë me tropojanët do ia mësojmë Edi Ramës çiftelinë dhe lahutën, ne më tropojanët do ia vëmë qeleshen”, tha ai.
Më tej kujtoi se kjo qeveri dhe ky kryeministër kanë vjedhur të gjithë popullin shqiptar, duke vendosur një krahasim në fjalën e tij.
