Bashkimi Evropian në një deklaratë zyrtare të dhënë mbrëmjen e së dielës i ka quajtur të pafalshme dhe të papranueshme sulmet intensive të kryera dy ditët e fundit duke kërkuar që Irani të përmbahet pasi po shkel sovranitetin dhe të numri të lartë vendesh në rajon.
Gjithashtu Bashkimi Evropian tha se shtetet anëtare të saj po ndërmarrin të gjitha hapat e nevojshëm për të siguruar sigurinë e qytetarëve të BE-së në rajon, duke përfshirë aktivizimin e Mekanizmit të Mbrojtjes Civile të BE-së nëse është e nevojshme.
Në fund BE-ja ka shprehur solidaritetin e saj me popullin iranian dhe mbështet aspiratat e tyre për një të ardhme ku të drejtat e njeriut respektohen plotësisht
Ka shumë gjasa që, pranuia e opozitës iraniane në Shqipëri, të sjellë edhe masa të posaçme nga njësitë e posaçme të Aleancës Veriatlantike.
Megjithatë, sinjalet e shërbimeve inteligjente partnere kanë hedhur prej kohësh alarmin e riaktivizimit të strukturave të fjetura të Hejzbullahut në Europë.
Një muaj më paë, shërbimi sekret gjerman, arriti të zbulojë dy celula të fjetura që po përgatisnin sulme kundër hebrejve në Gjermani.
Shqipëria ka qenë ndërkaq territor i vegjetimit të disa organizatave “Joqeveritare” iraniane, të cilët kanë pasur kryesisht synim propagandistik, por që sot propaganda e ka humbur prioritetin, duke sjellë mjete të tjera. Natyrisht jo molotovë…