Meriton Mjekiqi ka konfirmuar ndarjen nga gazetarja Ilnisa Agolli, lidhje e cila ka nisur në Big Brother VIP 3.
Ndërkohë, teksa i ka uruar më të mirat Ilnisës, Meritoni është pyetur edhe për romancën e re që përflitet se e ka nisur me një modele. “Romancë e re me modelen Iren?”, u pyet moderatori, ndërsa tha:
“Çfarë të them, të ruaj diçka për vete gjykojeni vetë se kush është e vërteta. Gjërat që mbesin kujtim janë të rëndësishme.”
Në një intervistë të bërë së fundmi, ai shpjegoi se gjithçka ka ndodhur natyrshëm dhe se periudha që kanë kaluar ka qenë e bukur për të, pa asnjë keqardhje për asnjë moment të saj.
Ai e theksoi se si u prit kjo situatë nga publiku është diçka që nuk varet prej tij, pasi disa e kanë mbështetur, ndërsa të tjerë jo, por për të gjithçka ka qenë reale dhe autentike.
Moderatori e vlerëson shumë Ilnisën, duke e quajtur atë një grua të mrekullueshme, një nënë të jashtëzakonshme dhe një profesioniste të shkëlqyer.
Mjekiqi gjithashtu theksoi se për të, më e rëndësishme është që secili të ecë përpara dhe të jetë mirë në jetën e tij, duke respektuar privatësinë e këtij momenti të ndjeshëm.
“Janë gjëra shumë private”– përfundoi ai, duke bërë të qartë se ndarjet dhe vendimet e tilla janë pjesë e jetës personale që nuk duhen bërë publike.
