Një ngjarje e rëndë ka ndodhur paraditen e sotme në Tiranë, ku një 29-vjeçar, i identifikuar si E. M., ka plagosur me thikë dy vëllezërit e tij, 27-vjeçarin Z. M. dhe 20-vjeçarin A. M.
Detajet
Ngjarja ka ndodhur rreth orës 11:00, në rrugën e Paskuqanit, pas një konflikti të çastit, dyshohet për motive të dobëta. Menjëherë pas marrjes së njoftimit, policia ka shkuar në vendngjarje dhe ka arritur të identifikojë dhe kapë autorin e dyshuar.
Të dy vëllezërit e plagosur janë dërguar në spital dhe ndodhen nën kujdesin e mjekëve, por fatmirësisht janë jashtë rrezikut për jetën. Autori, E. M., është shoqëruar në Komisariat për veprime të mëtejshme procedurale. Dosja e rastit do t’i kalojë Prokurorisë për hetime të thelluara.