Duke shfrytëzuar bujën e momentit ndaj këngëtares Parashqevi Simaku dhe këngëve të saj ndër vite, Pirro Çako mori këngën ‘E duam lumturinë’, një ndër më të famshmet të kënduara nga Simaku dhe e hodhi në kanalin e tij të Youtube, duke qenë se i takon autorësia e muzikës.
Kënga ka ekzistuar në kanalin e “YouTube” prej më shumë se 9 vitesh, e ngarkuar në një kanal jozyrtar, me plot 5 milionë e gjysmë klikime, e ku të shumtë ishin ata që riktheheshin herë pas here për ta dëgjuar.
