Kryebashkiaku i pezulluar i Tiranës, Erion Veliaj, është transportuar me urgjencë në spitalin e Durrësit ditën e sotme, si pasojë e komplikacioneve shëndetësore të shfaqura gjatë qëndrimit në paraburgim.
Burime nga ambientet e paraburgimit bëjnë me dije se Veliaj ka shfaqur probleme me tensionin e gjakut dhe pritet t’i nënshtrohet një sërë analizash për të vlerësuar gjendjen e tij shëndetësore.
Sipas informacioneve paraprake, gjatë periudhës së qëndrimit në qeli, që nga 10 shkurti i këtij viti, Veliaj ka humbur mbi 10 kilogramë nga pesha trupore.
Tensioni i lartë, humbja e oreksit dhe stresi i vazhdueshëm janë ndër shqetësimet që kanë rënduar gjendjen e tij. Familjarët dhe avokatët kanë ngritur vazhdimisht shqetësime për kushtet e paraburgimit, duke theksuar ndikimin e tyre në përkeqësimin e gjendjes fizike dhe mendore të klientit të tyre.
Pritet që në orët në vijim Drejtoria e Përgjithshme e Burgjeve ose përfaqësuesit ligjorë të Veliajt të bëjnë një njoftim zyrtar për gjendjen e tij.
Ky zhvillim ka rikthyer në vëmendje edhe njëherë situatën e ndjeshme të të paraburgosurve të ekspozuar ndaj stresit të proceseve gjyqësore dhe ndalimit afatgjatë.
POr, ajo qe bie ne sy eshte nje foto qe eshte publikuar nga Veliaj ku ai del i buzeqeshur nga krevati i spitalit dhe jo me aq probleme te renda, sa mendohej sipas njoftimit te burgjeve. (SHIKO KETU FOTOT DHE VAZHDIMIN E LAJMIT)