Një konflikt i ndodhur këtë të diel pranë një qendre votimi në Fushë Milot ka degjeneruar në përdorimin e armës së zjarrit. Incidenti ka ndodhur në ambientet e jashtme të shkollës 9-vjeçare “28 Nëntori”, ku është vendosur qendra e votimit me numër 0871.
Dy shtetas, Kastriot Preng Perdoda dhe Astrit Lleshi, janë përfshirë fillimisht në një debat verbal, i cili është përshkallëzuar jashtë perimetrit të sigurisë së qendrës së votimit. Sipas të dhënave paraprake, Kastriot Perdoda dyshohet se ka nxjerrë armën dhe ka qëlluar një herë në ajër.
Policia ka ndërhyrë dhe po vijon hetimet për të sqaruar të gjitha rrethanat e ngjarjes dhe për të përcaktuar përgjegjësitë ligjore të palëve të përfshira.
Nderkohe, nga kjo perplasje me arme, dy fiset respektive jane mbledhur prane qendres se votimit dhe rrezikohet pershkallezim i situates. Ata jane perplasur verbalisht me fjale me njeri-tjetrin, por policia ka arritur t’i mbaje larg konfliktit fizik.