Burime pranë Top Channel kanë bërë me dije për revistën “Anabel” se opinionistja e këtij edicioni në “Big Brother VIP Albania 5” do të jetë Monika Kryemadhi!
Kjo do të jetë hera e parë që do ta shohim Kryemadhin kaq pranë botës së spektaklit dhe në rolin e opinionistes.
Përsa i përket opinionistit tjetër, është ende e paditur nëse do të shohim për të pestin vit radhazi Arbër Hajdarin apo dikë tjetër.
Ndërkohë që “Big Brother VIP Albania 5” fillon sonte në mbrëmje, është konfirmuar se moderimi i është besuar sërish Ledion Liços.
Pasditen e djeshme u zbulua zyrtarisht dhe nga Top Channel se një ndër banorët e këtij viti do të jetë Angelo Haruni, gazetar dhe moderatori i emisonit ekonomik “Top Talk”, në Top Channel.
“Fan Club” nga ana tjetër, që nis transmetimin një ditë pas “BBVA”, do të moderohet nga Kiara Tito dhe 2 opinionistët e konfirmuar do të jenë: Françeska Murati dhe Arjan Konomi.