Një lajm i trishtë është mësuar ditën e sotme pasi është ndarë nga jeta në një moshë të re mësuesja e gjuhës shqipe në Athinë, shqiptarja Junila Pëllumbi Lala.
Lajmi i kobshëm u mësua nga reagimi i bërë në rrjet nga faqja “Lidhja e Mësuesve Shqiptarë në Greqi”.
Junila do të mbahet mend për përkushtimin e palodhur, profesionalizmin, fisnikërinë dhe dashurinë e madhe që tregoi në misionin e saj për mësimin dhe ruajtjen e gjuhës shqipe tek fëmijët e diasporës.
Ajo ka kontribuar edukimin e brezave të rinj dhe në forcimin e identitetit kombëtar shqiptar larg atdheut.
Largimi i saj në mënyrë të parakohshme ka lënë pas një plagë të pashërueshme.
Newsbomb.al i shpreh ngushëllime familjes Lala për humbjen e njeriut të tyre të zemrës.
Reagimi i faqes “Lidhja e Mësuesve Shqiptarë në Greqi”
Me dhimbje të thellë,
Lidhja e Mësuesve Shqiptarë në Greqi njofton ndarjen nga jeta të anëtares së saj të nderuar, Junila Pëllumbi Lala, mësuese e kursit të mësimit plotësues të gjuhës shqipe dhe kulturës shqiptare “Rreze drite”, Athinë.
Largimi i saj i parakohshëm ka tronditur mbarë komunitetin tonë arsimor. Junila do të kujtohet për përkushtimin e palodhur, profesionalizmin, fisnikërinë dhe dashurinë e madhe që tregoi në misionin e saj për mësimin dhe ruajtjen e gjuhës shqipe tek fëmijët e diasporës. Me punën e saj, ajo kontribuoi në edukimin e brezave të rinj dhe në forcimin e identitetit kombëtar shqiptar larg atdheut.
Si kolege dhe anëtare e Lidhjes sonë, ajo gëzonte respektin dhe vlerësimin e të gjithëve. Kujtimi i saj do të mbetet i gjallë në zemrat e nxënësve, prindërve, kolegëve dhe të gjithë atyre që patën privilegjin ta njohin dhe të bashkëpunojnë me të.
Në këto çaste të vështira, Lidhja e Mësuesve Shqiptarë në Greqi i shpreh ngushëllimet më të sinqerta familjes së saj dhe gjithë të afërmve .
U prehtë në paqe!
Qoftë i paharruar kujtimi dhe vepra e saj!
Me respekt dhe dhimbje,
Lidhja e Mësuesve Shqiptarë në Greqi.