Doktor Ilir Alimehmeti, kandidati për deputet në Qarkun e Tiranës, I ftuar në emisionin “Të Paekspozuarit” në MCN TV, i pyetur nga gazetari Ylli Rakipi nëse Berisha duhet të largohet nga drejtimi i partisë pas humbjes së zgjedhjeve, u shpreh se sapo të mbarojë një herë procesi i ankimimeve për votat, duhet të bëhet analiza.
“Absolutisht që analiza duhet bërë. Ke një Kuvend të dhjetorit 2023 ku unë kam kërkuar analizën e zgjedhjeve vendore e cila nuk u bë. Analiza duhet bërë medoemos dhe unë i qëndroj kësaj.
T’i bëjmë gjërat një çikë me etapa dhe unë nuk kam qenë kurrë për djegien e etapave. Të mbarojë një herë procesi se unë jam për vete në proces, të bëj unë një analizë personale.
Kjo analizë kontribuon në analizën e qarkut të Tiranës, ndërsa 11 qarqet e tjera të them të drejtën unë nuk i kam ndjekur për fushatën dhe problematikat. Analiza i takon një grupi pune, kryesisë.”- tha Alimehmeti.