Ka dëshmuar ditën e sotme motra e 39-vjeçares Vasiliki , e cila u vra nga bashkëshorti i saj në orët e para të së hënës në Kalamata.
Në një prononcim të dhënë për mediat greke, motra e viktimës bëri rrëfimin tronditës duke zbuluar se kishin bërë një plan së bashku për arratisjen e saj, por e kishin shtyrë pasi nuk kanë pasur kohë.
Në lidhje me pyetjen nëse kishte dyhsime që 41-vjeçari kishte dyshuar për qëllimet e Vasilikisë për t’u larguar, motra e viktimës tha: Kohët e fundit, ajo i ka thënë çdo ditë: Më lër të shkoj me fëmijët, nuk dua asgjë tjetër.
Ndërsa shtoi më tej se 41-vjeçari e kishte goditur shumë herë motrën e saj 39-vjeçare, raporton protothema.gr.
“Përndryshe, unë kisha jetuar me ta gjatë gjithë këtyre viteve, e rritëm fëmijën pothuajse së bashku kur unë jetoja në Kallamata”, shtoi motra e Vasilikisë, ndërsa në lidhje me dy fëmijët e çiftit, ajo tha se ata aktualisht janë me të dhe në një farë mënyre e kanë mësuar se çfarë ndodhi të hënën në shtëpinë e tyre.
Më herët, zëdhënësja e ELAS-it, Constantia Dimoglidou, u shpreh se e reja ishte në vetëmbrojtje, duke thënë se gjetjet e mjekut mjeko-ligjor që ekzaminoi trupin dhe kreu një autopsi në vendin ku u gjet trupi, si dhe gjetjet tona, tregojnë se një person që është plagosur për vdekje nga kaq shumë goditje dhe ka disa plagë mbrojtëse, padyshim që nuk mund të jetë agresor.
“Ajo u përpoq të mbrohej nga sulmi. Trupi ishte në gjendje shumë të keqe, përveç plagëve të shkaktuara nga thikë, kishte edhe goditje që nuk e goditën shënjestrën”, shtoi Dimoglidou.
Ndërsa raportohet se pjesa më e vështirë e momentit ishte nxjerrja e fëmijëve nga shtëpia.
Kur policia mbërriti dhe hyri në shtëpi, ata gjetën fëmijë duke fjetur, duke shtuar se deri më tani nuk duket se fëmijët e kuptuan se çfarë ndodhi.
Kujtojmë se ngjarja e rëndë ndodhi në orët e para të mëngjesit të së hënës, kur 41-vjeçari ka qëlluar për vdekje me thikë gruan e tij.
Në lidhje me ngjarjen, ai u shpreh se u detyrua të ndërmerrte aktin e rëndë pas një debati të ashpër që pati me partneren e tij.
“U grindëm, unë kapa thikën dhe e vrava”, raportohet të ketë thënë 41-vjeçari që e goditi për vdekje gruan e tij në Kalamata.