Ish-deputeti i PS-së Vladimir Kosta ka reaguar pasi kryeministri Edi Rama ditën e djeshme iu bëri thirrje investitorëve të huaj që të investojnë në Shqipëri.
Në një postim në rrjetet sociale, Kosta, të cilit në fillim të nëntorit u shemb një kompleks vilash, ka shpërthyer keq ndaj Ramës, të cilin e quan një kryeministër që prish, dhunon dhe minon pasuritë e vëna të shqiptarëve.
Më tej, ish-deputeti thekson se kryeministri, pa pikën e turpit, kërkon edhe investitorë të huaj. “Dëgjova dje në një bisedë me forumin ekonomik nga Kryeministri : se duhet të investojnë të huaj në Shqipëri…!
Kemi një kryeministër që PRISH, DHUNON, MINON pasurinë që mezi është vënë nga bijtë e tij!…dhe pa pikën e turpit kërkon investitorë të huaj…! Si të zë vendi…”, shkruan Kosta në Facebook.
Vladimir Kosta është pronari i rezidencës “Olive Park” në zonën e liqenit të Farkës në Tiranë, ku ishin disa ndërtuar disa vila. Në fillim të muajit nëntor, disa nga vilat u hodhën në erë, pasi kishin kaluar sipërfaqen e ndërtimit.