E marta në shtëpinë e Big Brother VIP Albania 4 solli debate të ashpra mes Olës dhe Gjestit, që përshkallëzuan në një incident të pazakontë. Pas një përplasjeje të vazhdueshme me Olën dhe Vserlon, Gjesti, i revoltuar, vendosi të reagojë në mënyrë drastike duke u hedhur vezë në kokë të dyve.
Situata u përshkallëzua më tej kur Ola e kërcënoi hapur Gjestin, duke thënë: “Bashkë do flasim, pse ti mendon që kur të dalim nga këtu do të shkosh në ndonjë planet tjetër?”. Kjo deklaratë ka ngjallur debat mes banorëve dhe ndjekësve të spektaklit, duke u konsideruar një formë kërcënimi të drejtpërdrejtë.
Siç është e njohur, kërcënimet dhe sjelljet agresive janë të ndaluara sipas rregullave të Big Brother VIP Albania. Mbetet për t’u parë nëse produksioni do të marrë masa disiplinore ndaj ndonjërit prej banorëve pas kësaj ngjarjeje të tensionuar.