Qendra Spitalore Universitare “Nënë Tereza” ka bërë të ditur bilancin e personave që kanë marrë ndihmë mjekësore pas lëndimeve gjatë protestës së sotme në Tiranë.
Deri në orën 18:45, në total raportohet se janë paraqitur për trajtim 11 persona. Mes tyre janë 6 protestues, përfshirë 3 të mitur, 3 punonjës policie dhe 2 kalimtarë.
Sipas përditësimit të fundit të spitalit, në urgjencë vijojnë të qëndrojnë 2 protestues dhe një efektiv policie. Të tre raportohet se janë në gjendje të mirë shëndetësore dhe po kryejnë ekzaminimet përkatëse.