Një zjarr ka rënë mesditën e sotme në godinën e ish-Shtëpisë së Oficerëve në Fier, duke përfshirë një pjesë të katit të dytë.
Menjëherë pas njoftimit, forcat zjarrfikëse kanë mbërritur në vendngjarje dhe kanë ndërhyrë për izolimin e flakëve. Ndërhyrja ka bërë të mundur parandalimin e përhapjes së zjarrit në katet e tjera të godinës.
Dy katet e para të ndërtesës janë aktualisht të pashfrytëzuara, ndërsa në tre katet e tjera ndodhen zyra të Bashkisë Fier, si dhe selitë lokale të Partisë Demokratike dhe Partisë së Lirisë.
Nga të dhënat e deritanishme nuk raportohet për persona të lënduar. Ndërkohë, po punohet për të përcaktuar shkaqet e rënies së zjarrit.