Të hënën në Tiranë, në orën 09:00, do të zhvillohet ceremonia e hapjes së Konferencës së 42-të të Shoqatës së Ish-Studentëve Evropianë të Akademisë Kombëtare të FBI-së, FBINAA European Chapter.
Raportohet se në këtë konferencë do të marrin pjesë 235 pjesëmarrës, përfaqësues të FBI-së dhe punonjës të agjencive të ndryshme ligjzbatuese nga e gjithë Evropa dhe vende të tjera.
Mësohet se në këtë takim do të marrin pjesë Ministri i Punëve të Brendshme, Ervin Demo, Drejtori i Përgjithshëm i Policisë së Shtetit, Skënder Hita, si dhe drejtues të tjerë të agjencive ligjzbatuese.
Gjithashtu, në konferencë do të jetë i pranishëm Presidenti Ndërkombëtar i FBINAA, si dhe Ambasadorja në detyrë dhe e Ngarkuara me Punë në Ambasadën e SHBA-së në Tiranë, Nancy Vanhorn.
Konferenca konsiderohet një nga aktivitetet e rëndësishme ku marrin pjesë përfaqësues të FBI-së, së bashku me drejtues dhe përfaqësues të agjencive ligjzbatuese nga vende të ndryshme.