Një aksident i rëndë ka ndodhur mbrëmjen e sotme në qytetin e Durrësit, ku një këmbësor ka humbur jetën pasi u përplas nga një automjet.
Sipas informacioneve paraprake, bëhet me dije se rreth orës 21:45, në lagjen nr. 15, automjeti që drejtohej nga shtetasi me iniciale D. N. ka përplasur këmbësorin Xh. Zh. Përplasja ka rezultuar fatale ndërsa këmbësori nuk ka mundur dot t’u mbijetojë plagëve të marra.
Pas aksidentit, në vendngjarje mbërritën shërbimet e Policisë dhe grupi hetimor, ndërsa drejtuesi i automjetit u shoqërua në Komisariatin e Policisë për kryerjen e veprimeve procedurale.
Nën drejtimin e Prokurorisë, grupi hetimor vijon punën për të dokumentuar rrethanat e plota të aksidentit dhe për të përcaktuar shkaqet e tij.