Një ngjarje e rëndë ka ndodhur në një rrugë rurale që lidh fshatin Bilaj me Fushë-Krujën, ku një person ka humbur jetën. Aksidenti ka përfshirë dy automjete: një Volkswagen, i drejtuar nga Viktor Doda, dhe një Benz, me shofer Kristjan Laskën.
Përplasja fatale ka rezultuar me vdekjen e Viktor Dodës, banor i zonës, në vendngjarje. Ndërkohë, Kristjan Laska ka pësuar lëndime të rënda dhe është dërguar menjëherë në Spitalin e Traumës për ndihmë mjekësore.
Sipas informacionit nga Policia, dyshohet se shpejtësia e madhe me të cilën po udhëtonte automjeti i Kristjan Laskës ka shkaktuar aksidentin. Hetimet për zbardhjen e rrethanave të plota të ngjarjes vazhdojnë.
