Sapo është liruar Altin Hila, babai që u bë simbol i protestës, pasi shfaqej bashke me fëmijën e sëmurë u la i lirë, pasi gjykata e vendosi në masën e sigurisë “Arrest shtëpie”.
“Rama nëse duhet të reflektojë ndonjëherë në jetë duhet të reflektojë për këta njerëz që herë jemi rritur me bukë e herë pa bukë. Bëje për patriotizëm”, tha ai për News24.
© BalkanWeb
Vijon lirimi i protestuesve të arrestuar pas tensioneve dhe dhunës policore të ushtruar ndaj qytetarëve ditën e enjte.
Mes personave të liruar është edhe aktivisti Gent Progni.
Ai është pritur nga familjarë dhe qytetarë me duartrokitje ndërsa thërrisnin: Fitore!
Ka nisur lirimi i protestuesve të arrestuar pas tensioneve në protestën e zhvilluar ditën e enjte. Protestuesit kanë lënë bllokun e sigurisë në rrugën “Mine Peza”.
Gjykata e Tiranës shpalli pak më parë verdiktin për 19 protestuesit që u arrestuan pas përplasjes me policinë në tubimin e 2 korrikut.
Për protestuesit Everest Bardh dhe Ervin Gega u caktua masa e arrestit në shtëpi, pavarësisht se prokuroria kërkoi arrest me burg për ta, duke argumentuar se kishin kryer akte dhune duke shkatërruar makinën e policisë.
Ndërsa Altin Hila, babai që u bë simbol i protestës, pasi shfaqej bashke me fëmijën e sëmurë u la i lirë, edhe pse fillimisht prokurori kërkoi burg, e më vonë e zbuti qëndrimin duke kërkuar arrest shtëpie.
12 protetues u lanë nën masën e detyrimit për paraqitje, ndërsa 5 të tjerë u liruan pa masë sigurie.
Seanca zgjati më shumë se 5 orë, kohë gjatë së cilës u pezullua pasi protestuesi Niko Carklaj shfaqi shtqetësime, për shkak se vuan nga epilepsia.