Një ngjarje e rëndë ka tronditur Maliqin, ku një efektiv policie ka humbur jetën, ndërsa një tjetër ka mbetur i plagosur. Pamjet e publikuara nga vendi i ngjarjes tregojnë kolegun e tyre të prekur emocionalisht, teksa nuk ka mundur të mbajë lotët pas tragjedisë.
Sipas informacioneve paraprake, ngjarja ka shkaktuar tronditje të madhe mes forcave të rendit dhe banorëve të zonës. I plagosuri është transportuar për ndihmë mjekësore, ndërsa autoritetet po punojnë për të zbardhur plotësisht rrethanat e incidentit.
Ngjarja vijon të hetohet, ndërsa priten detaje të tjera zyrtare në orët në vijim.
Pamjet që shihni tregojnë momentin kur autori i vrasjes së policit dhe plagosjen e kolegut të këtij të fundit, del nga spitali dhe hipën në ambulancë, për t’u transportuar te spitali i Traumës.
Familjarë të policit të vrarë, por dhe atij të plagosur ndodhen jashtë ambienteve të spitalit të Korçës, ndërsa kanë lëshuar mori sharjesh në drejtim të Violand Braçellari. “Çfarë i bëre?”, shpërthejnë ata, duke vijuar me sharje të rënda.