Një video e vjetër po bën xhiron e rrjetit në TikTok, duke rikthyer vëmendjen te një detaj interesant nga e kaluara e Selin Bollati.
Bëhet fjalë për një moment nga finalja e Big Brother VIP Albania 2, ku Selin shfaqet duke kërcyer si pjesë e trupës së valltareve gjatë një performance të organizuar nga produksioni.
Në atë kohë, ajo ishte thjesht një figurante në sfond. Por, në më pak se tre vite, rrugëtimi i saj ka marrë një kthesë të jashtëzakonshme.
Sot, Selin Bollati është pjesë e Big Brother VIP Albania, jo më si balerinë, por si një nga banoret më të komentuara të këtij edicioni.
Falë lojës dhe dinamikave që ka krijuar brenda shtëpisë, ajo konsiderohet nga publiku si një ndër pretendentet kryesore për fitoren.
Videoja që ka rikthyer këtë moment po shpërndahet masivisht në rrjete sociale, pikërisht për të nxjerrë në pah këtë transformim të madh – nga një vajzë në prapavijë në një protagoniste të vërtetë të spektaklit.