Një ngjarje e rëndë është regjistruar në ambientet e Autoriteti Kombëtar i Ushqimit në Durrës, ku është arrestuar ish-drejtori i këtij institucioni, Elton Varaku, 41 vjeç, banues në Shijak.
Sipas informacioneve zyrtare, Varaku dyshohet se ka shkatërruar objekte të punës brenda institucionit dhe ka përdorur gjuhë kërcënuese ndaj punonjësve të AKU-së, duke krijuar një situatë të tensionuar dhe shqetësuese në ambientet e brendshme.
Pas përshkallëzimit të situatës, në vendngjarje kanë ndërhyrë menjëherë specialistët për Hetimin e Krimeve, të cilët e kanë arrestuar ish-drejtorin në flagrancë.
Burime policore bëjnë me dije se veprimet e tij kanë rrezikuar rendin dhe sigurinë në institucion, ndërsa materialet procedurale i janë referuar Prokurorisë për veprime të mëtejshme ligjore.
Hetimet vijojnë për të sqaruar plotësisht rrethanat dhe motivet që çuan në këtë incident, si dhe për të përcaktuar përgjegjësitë penale të ish-drejtuesit të AKU-së në Durrës.