Ka nisur para pak çastesh numërimi i votave për qarkun e Korçës. Sapo nisi numërimi i votave në bashkinë e Pustecit, njëkohësisht ka nisur edhe hapja e zarfeve që kanë ardhur nga diaspora për këtë qark.
Nga numërimi i kutisë së parë në Pustec rezulton se PS ka marrë 130 vota, ndërsa koalicioni i PD ka vetëm vetëm 52 vota.
3 vota kanë shkuar për partinë “Mundësia” të Agron Shehajt, 1 për Aleancën Kombëtare Shqiptare (AKSH) të Elena Kocaqit, 1 për “Lëvizjen Bashkë” të Arlind Qorrit dhe 1 për koalicionin “Nisma Shqipëria Bëhet” të Adriatik Lapajt.
Pjesëmarrja në qarkun e Korçës ishte 42.16%. Qarku i Korçës ka 11 mandate në kuvend.