Sipas informacioneve paraprake, drejtuesja e mjetit ka mohuar pretendimet se ngjarja mund të ketë qënë e qëllimshme apo të ketë diçka në lidhje me detyrën e saj.
ELBASAN- Një automjet ka shpërthyer në flakë ditën e sotme në qendër të qytetit të Elbasanit. Mësohet se, makina i përket drejtoreshës së Shërbimit Social në Bashkinë Elbasan. Sipas informacioneve paraprake, drejtuesja e mjetit ka mohuar pretendimet se ngjarja mund të ketë qënë e qëllimshme apo të ketë diçka në lidhje me detyrën e saj.
Grupi hetimor ka nisur hetimet për zbardhjen e rrethanave të ngjarjes, ndërsa po punohet për zbulimin e ndonjë defekti teknik në automjet. Sakaq, si pasojë e flakëve mjeti i drejtoreshës është shkrumbuar plotësisht.